Një sport i veçantë, për të cilin kohëve të fundit është rritur interesimi edhe në shoqërinë tonë kosovare.

Bëhet fjalë për sportin e tenisit, i cili ndër vite është konsideruar si sport i veçantë mbretëror.

Në Kosovë, tanimë është hapur edhe një akademi, apo shkollë e këtij sporti.

Bëhet fjalë për “Diamond Tennis Academy”, e cila gjendet me lokacion në Hajvali të Prishtinës.

Menaxheri i akademisë, Alban Kllokoqi në një intervistë për portalin Arbresh.info bëni të ditur se tani është java e tretë që nga hapja zyrtare e “Diamond Tennis Academy”.

Kjo shkollë, sipas Kllokoqit, posedon dy fusha,  të cilat mund të mbulohen gjatë sezonës së dimrit dhe të zbulohen në sezonin e verës.

Po ashtu, sipas tij, specifika tjera që kanë këto dy fusha janë të teknologjisë së fundit, ku  sportistët mund ta bëjnë stabilizimin e temperaturës sipas dëshirës së tyre.

Kllokoqi për Arbresh.info tregon se cilët janë synimet e akademisë, cilët janë akomodimet dhe a ka interesim të mjaftueshëm nga masa e gjerë për këtë sport. Për këto dhe shumë të tjera, ju ftojmë ta ndiqeni storien më poshtë. /Arbresh.info/ Kasim Gerbeshi